Russian Embassy hnimhnai lo turin British lal chhungkua chah

United Kingdom (UK)-a Russia ambassador chuan Britain lal chhungkuate chu L o n d o n - a R u s s i a n embassy hnimhnai lo tur leh, inthiarfihlim hram hram turin ngen an ni tih Izvestia newspaper chuan a tarlang.

Russian ambassador Andrei Kelin chu King Charles III chu a hranpaa an biakpawh loh thu a sawi rualin British lal chhungkaw member-te chu Russian embassy aṭanga inthiar fi hlim tura thurawn pek an ni, a ti. 

Hemi chungchangah hian Buckingham Palace lam chuan thuchhuah an la nei lo. Russian president V l a d i m i r P u t i n - a' n Ukraine run tura thu a pek hnuah, Russia leh khawthlang ram inzawmna chu Cold War hnu lama a chhiat ber ṭum a thleng mek a, khawthlang ramte chuan tun hnaiah Russia ram lakah hrekna lian tak tak an lo tichhuak tawh a ni.

Kelin chuan khawthlang lama politician tam zawk chu ngaihtuahna tawi tak nei, hun lo kal tur ngaihtuah lo leh politics thila sawtna nei lo atchilhah a puh. "Mahni hmasial taka an kal zel chuan thla leha lo thleng tur an hrefi ah thiam lo a, kum khat hnua Ukraine awm dan tur chhut pha thiam lo te an ni," tiin, "Hetianga thil an kalpui zel a nih chuan Ukraine hi ram tlu chhia, black hole zau tak thawm ṭhat ngai ang a ni ang," tiin a sawi.