China-in Covid khuahkhirhna a thlahdul hnuah hri kai an pung chak

China-a Covid khuahkhirhna khauh tak siam chu mipuiten an dodal nasat avangin sorkarin a thlahdul a, hemi rual hian hri kai nia rinhlelh, symptom nei erawh an pung chho chak hle.

Sorkar chuan mass testing a neih ṭhin pawh a titlem a, hei vang hian official-a hri kai hmuhchhuah zat pawh a tlahniam hle. Mahse khawsik leh Covid symptom dang nei, damdawi-ina in entir erawh an tam chak hle. Hengte hi thuneitute hnenah in report kher loin, mahni inah te an inkhunghran mai nia sawi a ni.

Mipuite nawrna avangin sorkar chuan khuahkhirhna khauh tak a siam chu thlahdulin, nimin aṭang khan mipuite zin veivahna chhuizuina mobile app an hman pawh a titawp bawk. Mipuite chu face mask hmang ṭha tur leh, vaccine la turin a ngen zui.