G7-in Ukraine mamawhte pek a tiam

Russia-in Ukraine chhim leh hmarah missile, artillery leh drone hmanga beih­pui an thlak hnuah khawvela ram thiltithei inzawmkhawm, G7 chuan Ukraine chu ralthuam, a bikin air defence lam thawm ṭhat kawngah an puih tur thu a puang.

Ukraine president Volodymyr Zelenskyy-a'n G7 meeting virtual hmanga a telpuinaah, Russia tharum thawhna rapthlak do letna atan modern tanks, artillery firepower leh long-range weapon a dilna chu chhangin, G7 ramte chuan Thawhṭanni khan Ukraine mamawh zual phuhru turin chak taka hma lak an tum tih an sawi.

Zelenskyy chuan Russia-in an infrastructure pawimawhte an tihchhiat deuh vek avangin kawl­phetha nei loin an khawsa mek a, thlasik khawvawt tak hnuaiah hrehawm taka an awm mek thu a sawi. Heng an harsatna sutkianna atan Kyiv tan natural gas cubic metre tluklehdingawn 2 vel tal pe turin a ngen bawk.

European Union foreign minister-te chuan Thawhṭanni vêk khan Ukraine sipai tihchaknan euro tld 2 dang pek belh an remti bawk a ni.

Britain defence minister Ben Wallace chuan Russia-in civil mite chenna leh infrastructure an bei chhun­zawm zel a nih chuan Ukraine hnenah rathuam ṭha zawk, longer-range missile supply an rilruk thu a sawi. Russia-in Inrinni liam taa Iran siam drone hmanga Odesa-a Black Sea port-a h energy facility a kahchhiat sak hnuah dan pangngaiin hnathawh chhoh ṭan a ni.

Mi maktaduai 1.5 hnenah zawi muangin eng pekchhuah leh ṭan mek a ni a, mahse hun khirh tak an la hmachhawn chho zel dawn tih national grid operator Ukrenergo chuan a puang.