Israel Parliament Speaker tur thlang

Israel ramah Benja­min Netanyahu kaihhruai ṭangrual sorkar a ding hnai tawh a, an ram Parliament, Knesset speaker atan Likud party senior member Yariv Levin thlan a ni.

Likud party hruaitu, Benjamin Netanyahu chuan ṭangrual sorkar siam turin president Isaac Herzog hnenah hun pek belh a dil a, a thawhpui tur hian right-party ṭhenkhat chu inremna a siampui tawh a ni.

Knesset speaker atana thlan, Yarvi Levin hian speaker kalchhuak tur, Yetst Atid party member Mickey Levy a thlak ang. Mahse Levin hi sorkar a din fel hunah cabinet member atan lakluh tel a nih rin a nih avangin, Speaker dinhmun hi a chelh rei dawn lo niin an sawi.

Netanyahu-a'n inrem­na a siampui tawh zinga mi, Shas party hotu Aryeh Deri chu chhiah awlruk chungchangah thiam loh chantir tawh a ni a, hei vang hian cabinet member-a telh a nih dawn chuan sorkar thar din hmain Parliament-ah dan siamṭhat chu an pass phawt a ngai ang. Inremna an siamah Deri hi interior leh health ministry chang tura tih a ni.