Myamnar sipai aiawhin UN-a Myanmar seat a luah remti lo

United Nations chuan Myanmar sipai sorkar chu UN-a Myanmar seat a luah a remti lo.

UN General Assem­bly-a credential commi­ttee chuan Myanmar sipaiten UN-a an ram aiawh atana sipai sorkar ruat dah tura a ngenna chu a hnawlsak a ni. Hei vang hian Myanmar sipaiten an paihthlak tak, civil sorkarin a ruat Kyaw Moe Tun chu UN-ah hian Myanmar ambassador a la ni chhunzawm zel dawn a ni.

Myanmar sipai sorkar khan nikum December khan UN-a an ram aiawhtu hi a thlak an lo tum tawh a, hemi ṭum pawh hian an hlawhtling thei lo a ni.

London-based Myan­mar Accoun­tability Project-a director Chris Gunness chuan creden­tial committee thutlukna chu lawmawm a tih thu sawiin, civil sorkar paihthlatu sipai sorkarin ramdangte inpawmtir tuma hma a lak mek laiin committee thutlukna siam hian nghawng a nei thui hle dawn a ni, a ti.

UN Credential Commi­ttee-ah hian mem­ber ram pakua awmin, an zingah China, Russia leh US an tel.