Peru President hlui Tan hun thla 18-in pawtsei

Peru president aṭanga paihthlak tak, Pedro Castillo tán hun chu thla 18-in pawhsei sak a ni.

Kar liam taa President aṭanga paihthlak a nih hnuah Castillo hi hel leh phiarrukna hmanga puhin man nghal a ni. Ni sarih chhung jail-a dah tura tih a nih hnuah, nimin khan a chungthu chhui chian a nih theihna atana a tan hun pawtsei tura thuneitute ngenna chu court-in a remtihsak a, thla 18 a pawtsei.

Hetih lai hian Castillo thlawp­tute chuan President hlui hi chhuah tur leh, inthlanpui buatsaih phutin ram chhung hmun hrang hrangah lungawi lohna an lantir a, buaina chhuak vangin sorkar chuan rampumah Nilaini khan ni 30 chhung atan state of emergency a puang a ni.

Pedro Castillo chuan an puhna hi thu dik lo a nih thu sawiin, dik lo takin an ram khawpui, Lima bula police facility-ah hren a nih thu a sawi. Amah thlawptute chu jail aṭanga chhuah tura sorkar nawr tur leh, Inter-American Court of Human Rights inrawlh tura nawr turin a lo sawm tawh bawk a ni.

Castillo thlawptuten nawrh an huaihawt vang hian airport pali khar a ni a, train service pawh eng emaw zat tihtawp a ni bawk.