Thlipui leh ruah vangin mi 14 thi

Philippines rama thlipui tleh leh ruahsurin chhiatna a thlena thi chu mi 14 an tling tawh.

Thlipui tleh hian ruah a ken tel avangin ruahsur nasa takin hmun tam takah lei a min a thlen a, leiminin a chhilh eng emaw an la awm avangin thuneitute chuan thi zat pawh hi an la punchhoh an rin thu an sawi.

Biliran thliarkara Disaster Risk Reduction and Management Office hotu, Jun Basilio chuan Pathianni khan khaw pahnihah leiminin a chhilh ruang pahnih lakchhuah a nih thu a sawi. Basilio chuan lei leh kawngpui te a chhiat avangin hmun ṭhenkhat chu tlawhpawh theih lohin an awma, Leyte province chuan electric eng pawh an la nei thei dawn lo niin a sawi.

Philippines National Disaster Risk Reduction Management Council (NDRRMC) chuan thlipui tleh vang hian mi 88,000 vel chu hmun him lamah an tlanchhe tawh niin a tarlang.