Nagaland : Wokha-ah total bandh huaihawt

All Commercial Vehicle Association (ACVA) Wokha chuan nimin zing dar 6.00 aṭang khan tiam chin awm loin total bandh an huaihawt a, motor eng chi mah kal an phal lo a ni. Bandh an huaihawt chhan hi helpawl, Nationalist Socialist Council of Nagaland-Isak Muivah (NSCN-IM) Kohima region ami ten "yearly tax" pe loa puha taxi taxi chabi an laksak vang a ni.

Motor tlan phal loh a nih mai bakah hian sumdawnna hmun leh dawr te pawh khar tir vek an ni a, mahse police, paramilitary, district administration, ambulance, press&media, postal service leh fire&emergency service te erawh an hriatthiam dawn thu official te chuan an sawi.

Taxi chabi te hi pek kir an nih hma chu bandh hi an call off dawn lo tih ACVA te chuan thuchhuah siamin an tarlang.