S.Africa ANC hruaitu thar atan Cyril Ramaphosa thlang

South Africa-a rorel lai, African National Congress (ANC) hruaitu thar atan Cyril Ramaphosa thlan a ni a, President Jacob Zuma a thlak ang.

Party president thlannaah hian deputy president Ramaphosa hian cabinet minister hlui, Zuma-a nupui hlui Nkosazana Dlamini-Zuma a hneh a ni. Ramaphosa hi kum 2019-a South Africa president ni thei tura rin kai ber a ni.

ANC president thlannaah hian Ramaphosa hian vote 2,440 hmuin, Dlamini-Zuma hian vote 2,261 a hmu a ni. Dlamini-Zuma lamṭangte hian vote chhiar ṭhat an phut avangin inthlan result pawh hi an puan har phah nia sawi a ni.

Cyril Ramaphosa hi kum 1952-a pianga ni a, kum 1973 leh 1976 khan an rama mihang thliar hranna duh lohna lantira a tel avangin man a lo ni tawh a ni. Kum 1982-ah Naitonal Union of Mineworkers a din a, kum 1990-a tan-in aṭanga Nelson Mandela chhuah a nih theihna tura hmala tu, National Reception Committee chairman pawh a lo ni tawh bawk. KUm 1994 ah MP niin, constitutional assembly chairman a ni a, sumdawng mi niin South Africa-a sumdawng hausa ber zinga mi a ni bawk.