Thailand indo lawng chesual, chin hriat lohin mi 31 an awm

Thailand sipai indo lawnglian chu Pathianni zan khan Gulf of Thailand-ah chesualin a pil a, lawng sipai 31-te chu chin hriat lohin an awm.

Nimin khan lawng chesuala chuangte zawn leh chhanchhuah hna thawk tur hian lawnglian pathum leh helicopter pahnih tirh a ni.

Indo lawng, HTMS Sukhothai hi Prachuap Khiri Khan province-a Bang Saphan khawchhak lama a patrol laiin a khawl lamah harsatna a thleng a, power room-ah short-circuit a thlen hnuah lawngah hian tui tam tak a lut zui a, Pathianni zanlai thlen hma hret khan a pil zui ta a ni. He lawngah hian mi 106 an chuang a, nimin zing thleng khan an zinga mi 75 chu chhanchhuah an ni tawh.

Navy chuan hetianga chetsualna hi an la tawk ngai lo tluk a ni tih sawiin, lawng chetsual chhan pawh hi chhui chian nghal a ni dawn tih an puang.

HTMS Sukhothai hi kum 1987-a US-in Thai Navy-te tana a siam a ni.