Saudi-in missile kap thla

Saudi Arabia chuan Yemen helpawl, Houthi helpawl missile kahchhauh chu Riyadh chungah an lo dang niin a sawi. Helho hian Saudi lal, King Salman chenna in beih an tum niin a sawi bawk.

Saudi Arabia leh US chuan Iran sorkar chu Houthi helho ralthuam supply ṭhinah an lo puh fo tawh a, Saudi chuan an missile kahthlak sak pawh chu Iranian-Huthi missile tiin a sawi.

Houthi hel ho missile hi Saudi budget puan hun tura ruahman hma lawkah kahthlak a nih thu Saudi information ministry chuan a tarlang. An tihdan phungah chaun Saudi lal hian a chenna, Yamamah palace aṭangin budget hi a puang ṭhin a ni.

Kum 2014-a Yemen khawpui, Sanaa latu, Houthi helte hian thla hnih chhungin Saudi lamah missile hi ṭum hnih an kapchhuak tawh a ni. A ṭum khatna chu November 4 khan Riyadh International airport beih nan an kap. Hemi ṭuma Houthi ho missile kah pawh hi Iran siam ngei nia sawi a ni.

Saudi Arabia kaihhruaiin Arab ṭangrual ramte chuan Yemen sorkar puiin kum 2015 aṭang khan Houthi hel lakah hian beihpui an thlak ṭan a, an inbeihna avang hian mi 8,750 an thi tawh a ni.