US Congress-in tax bill thar a pass

US Congress chuan Republican tax bill siam thar chu a pass ta a, President Donald Trump-a remtihpuina la turin thawn nghal a ni.

Nilaini-a tax bill ngaihtuahnaah a thlawp lamah vote 224 tlain,a duh lo lamah vot 201 a tla thung. He chhiah lakna thar siam hian sumdawng lian leh te bakah chhungkaw tin a nghawng dawn nia sawi a ni.

Congress-in tax bill a pass hi kum 1986 US tax law siamṭhatna a ni a, corporate income tax ratwe 35% hman mek chu 21% ah tihhniam a ni dawn a, mimal sum lalut hnemte hnena aṭanga income tax rate 39.6% pawh 37%-ah tihniam ani bawk. He bill hnuaia mimal aṭanga chhiah lak tihhniamna tam zawk kum 2025 thleng huam tur a ni.

President Trump-a kaihhruai sorkar chuan corporation, sumdawng tenau leh mimalte hnen aṭanga chhiah lakna rate tihhniam chuan sum dinhmun a siamṭhat phah bakah, hna thawh tur pawh a tam phah dawn niin a sawi. Hetihlai hian Democrats lam chuan chhiah lakna dan thar siam hi mi hausa leh sumdawng liante chauhin an chhawr dawn a, US sum indaihlohna pawh a pun phah zawk dawn niin an sawi thung.