Catalonia Election : Spanish state chak lo, Puigedemont lawm

Catalonia inthlan ṭhat chu Ninagni khan neih niin Spanish sorkar chuan hnehna an chang zo la a, pro-independence party pathum–Together for Catalonia (JxCat), Republican Left of Catalonia (ERC) leh Popular Unity (CUP) te chuan seat 70 la in hehna an chang. Citizens (Cs) chuan vote 25.3% hmuin seat 37 an la ve bawk a, Catalonia Parliament-ah hian seat 135 a awm a ni.

Vote hi chhiar zawh la ni chiah lo mah se pro-independece party te hian hnehna an chan thu an puang tawh a, vote hi a tla ṭha hle a, 80% vote tla in Catalonia record a tling hial tih official te chuan an sawi.

Hetiang a nih tak avang hian Spain-a sorkar lai prime minister Mariano Rajoy pawl te chuan hnehna an chang zo ta lo a ni.

Spanish sorkar in hnehna an chang lo chu Catalonia President paihthlak tak Charles Puigdemont chuan lawmawm a tih thu Belgium aṭangin a lo sawi ve bawk.

Catalonia bial hi Puigdemont-a'n a kaihhruai lai khan Spain aṭangin independece an puang a, Spain sorkar chuan heihi dan kalh a nih thu sawiin Puigdemont a sorkar hi an paihthla a ni. Hemi hnu hian Spain sorkar hian Madrid aṭangin Catalonia-ah hian ro a rel a, inthlan ṭhat hi an huaihawt ta a ni.