China-in nitina Covid hri kai thar zat tichhuak tawh dawn lo

China chuan an rama Covid-19 hri kai an pun chhoh mek laiin, nitina hri kai thar zat a tihchhuah ṭhin chu an titawp dawn.

National Health Commission chuan kum thum chhung nitina hri kai thar hmuhchhuah zat hi a tichhuak ṭhin a, mahse nimin atang khan an tichhuak tawh dawn lo tih sawiin a chhan erawh a sawilang lo.

Thuchhuah an siamah, NHC chuan Covid information chu a ṭul dan angin Chinese Center for Disease Control and Prevention in a tichhuak tawh zawk dawn tih a tarlang.

Health official-ten an chhut danin, China rama hian December 20 thleng khan Covid-19 hri kai hi maktduai 250 vel an tlin rin a ni. Hetih lai hian NHC-in official data tihchhuahah erawh hri kai thar zat tarlan erawh an la tlem hle thung.