NKorea hotuin sipaite hmalakna thar tlangzarh

North Korea ram hotu lu ber, Kim Jong-un chuan rorellai Workers' Party meeting neih mekah kum 2023 atana an ram sipaite hmalakna leh thuamchakna tur a tlangzarh. Kum thar lamah ralthuam enchhinna pawh nasa zawka an kalpui chhoh leh rin a ni.

Workers' Party-a 8th Central Committee-in Sixth Enlarged Plenary Meeting a neih mekah, nimin khan Kim hian Korean peninsula leh political landscape chungchang thlir letna a nei a ni. Defence lam thuam chakna tur ruahmannate a siam bawk.

Official KCNA news agency-in a tarlan danin, Kim hian an ram thuneihna leh himna tura venhim kalpuina atana party leh sorkarin hma a lakna tur te, foreign affairs chungchangte a sawi. Kum 2023-ah chuan self-defence lam thuam chaknate ngaih pawimawh zual an tum.

Kumin chhungin NKorea hian ṭum eng emaw zat missile a enchhin a, hei vang hian a ṭhenawm South Korea leh Japan bakah US nena an inkar pawh a ṭha lo zual hle.