Uganda-a Kumthar lawmnaa inpawngneknaah mi 9 thi

Uganda khawpui, Kampala-a kumthar lawmna atana halmawi hal en tura kalte inpawngnekna thlengah mi pakua an thi a, an zingah hian mipa naupang kum 10 mi a tel.

Police-te chuan kumthar a thlen chiaha a lawmna atana halmawi hal en tura kalte chu Freedom City Mall-a corridor chep takah innekbuaiin, vanduaina hi a thleng ta niin an sawi.

Kampala leh Entebbe International Airport inkar awm, Freedom City Mall-ah hian mipuite chuan kumthar lawmna hun hi an hmang a ni. Police thupuangtu Luke Owoyesigyire chuan vanduaina thlenna hmunah hian police-te kal nghalin, hliam tuarte pawh damdawi-in lamah hruai nghal an ni, a ti. He vanduaina hi thawktute inthlahdah leh fimkhur loh vanga thleng niin a sawi bawk.