Mexico tan-in beihnaah mi 14 an thi

Mexico hmarlama border city, Juarez khaw tan-in chu Pathianni khan ralthuam kengten beiin, mi 14 an thi. Thi zingah hian security mi leh sa 10 leh jail tang lai mi pali an tel a, mi dang 13 in hliam an tuar.

Juarez tan-in beih a nih hnuah hian tang zinga 24 an tlanchhuak. Tan-in beitute hi tute nge tih hriatchian a la ni lo.

Prosecutor chuan thil thlen dan an chhuina aṭanga a lan danin, Pathianni zing dar 7 vel khan tan-in beitute hi motor nen thlengin, silai an hmetpuak zui nghal niin a sawi. Hemi hnu lawk hian municipal police-te pawh beih an ni bawka, mahse police-te hian bei letin, mi pali leh an truck hman pakhat an man. Hemi ni vek hian khawpui chhung hmun dangah pawh silaia inbeihna a thleng bawk.

Kumin August thla khan Juarez khaw tan-inah pawl pahnihte inkarah buaina chhuak nghawngah inkahna lo thleng tawhin, mi 11 an lo thi tawh bawk a, hei avang hian sokar chuan Juarez-ah hian sipai ṭhahnem tak a tirh belh a ni.