Tokyo aṭanga pem chhuakte Yen mtd 1 pek tiam

Japan sorkar chuan Tokyo khawpui tawt lutuk tihziaawmna atan, Tokyo metropolitan area aṭanga rural area lama pem chhuakte chu, fa pakhat nei chu yen maktaduai 1 (USD 7,700) pek a tiam. Fa pahnih nei chu yen mtd 3 pek an ni ang.

Japan ramah hian nau piang an tlem a, hetih lai hian chawhrualin an dam chen hi a rei tawh a, kum upa lam an pung chak hle. Ṭhalai hnathawk theite chuan khawpui lian lam an pan zel avangin khawpuite a tawt a, thingtlang lam erawh a thawl chak hle a, in luahtu awm lo a ruak tam tak a awm tawh a ni.

Kum 2019 aṭang khan Japan sorkar chuan rural area lama mipuite hip tumin hma a la ṭan a, central Tokyo metropolitan area-a kum nga lo cheng tawh, regional area-a pem chhuakte chu chhawmdawlna hi an dil phalsak an ni. An awmna hmun aṭangin an hna ngai pawh thawh chhunzawm phalsak an ni bawk. He scheme hman tirh kum hian chhungkaw 71 chuan Tokyo an chhuahsan a, kum 2021-ah chhungkaw 1,184 an pemchhuak bawk.