Eid al-Adha hman hmain Afghanistan-ah bomb puak

Taliban fiarfiakten vawiin aṭanga hman tur, Eid al-Adha puala ni thum chhung inkahhai puan an remtih hnuah, Ningani khan Afghanistan khawpui Kabul-ah thihchilh bomb a puak.

Bomb hi car-ah tihpuah a ni a, mi 17 thiin mi dang 21 in hliam an tuar.  Eid al-Adha festival hmang tura bazar-a thil leite punkhawmna hmunah bomb hi a puak a ni. Firfiakten inkahhai an puan chhan hi Eid al-Adha festival hman a nih chhunga mipuite thlamuang taka an awm theihna tur atan tih a ni a, mahse festival thlen hma lawkin bomb hi a puak leh ta a ni. 

Kumin February thla khan US leh Taliban chuan inremna an ziak a, he inremnaah hian Afghanistan sorkarin Taliban mi leh sa jail-a a khungte chhuah tur thu pawh a tel a ni. Hei vang hian Taliban-te chuan Afghanistan sorkar lakah hian an mi leh sa chhuah turin an phut a, tualchhung buaina pawh hei vang hian a chhuah phah fo a ni.