Burundi-in an rama WHO official a hnawtchhuak

Burundi ram chuan an rama World Health Orga­nisation (WHO) official leh health expert dang pathum a hnawt chhuak. 

Foreign affairs ministry aṭanga lehkha tihchhuahah, WHO representative Dr Walter Kazadi Mulombo leh midang pathumte chu an rama awm zui zel an remti lo tih sawiin, darkar 48 chhunga Burundi ram chhuahsan turin nimin khan a hriattir a ni. 

Ministry chuan health official-te  hnawhchhuah an nihna chhan hi a sawi lang lo.

Hripui leng mek karah Burundi ram hian inthlan buatsaih luih a tum avangin sawisel a hlawh hle. May 20-a President thlanna neih tura atan candidate-te chuan campaign nei chhunzawm rengin, rally-te huaihawt a ni. 

International Crisis Group pawhin Burundi sorkar hi  sawiselin, an rama hri leng leh hri kai chungchangte ngaihven tawk loha an puh a, hri kai zat nia a tarlan pawh a rinhlelhawm niin a sawi. Sorkar chuan an ramah hri kai hi mi 15 awmin, mi pakhatin a thihpui tawh niin a tarlang.