Iran-in Dy. Minister hlui thi turin a chungthu relsak

Iran chuan an ram deputy defence minister hlui, Alireza Akbari chu Britain ram tana enthlak hna thawka puhin, thi turin a chungthu a relsak.

Akbari hi Iranian-British citizenship nei a ni a, Iran Supreme Security Council secretary ni lai, Ali Shamkhani thawhpui hnai tak a ni. Kum 1997-2005 inkar khan deputy defence minister-ah hian a awm a ni.

Iran intelligence ministry chuan Akbari hi Iran rama British intelligence service agent pawimawh tak niin, information pawimawh tak tak chu an Britain spy service-te hnenah a pe ṭhin niin a sawi.