Jamaica-ah USD mtd 80 man cocaine an man

Jamaica thuneitute chuan Kingston port-a lawng pakhatah cocaine, USD maktaduai 80 man hu an man a, ṭum khatna ruihhlo an man tam ber zinga mi a ni.

Official-te chuan Inrinni liam ta zan khan ruihhlo hi South America aṭanga kal, bungraw phur lawngah an man tih Jamaica Constabulary Force chuan a sawi. Cocaine hi a vaiin kg 1,500 chuang niin, bawm 1,250-ah ah dan a, hengte hi bag 50-ah an khung chhawng leh a ni.

Ruihhlo tawlh ṭhinte hian North America leh Europe-ah cocaine leh ruihhlo dang tawlh luhna kawng atan Jamaica hi an hmang fo a ni. Nikum October thla khan global police agency, Interpol chuan Jaimaica-ah hian private jet hmanga Canada rama phurh tum, cocaine kg 500, USD mtd 25 hu chu man a ni tih an lo sawi tawh bawk.

Cocaine an manna lawng hming hi puan a ni lo a, official-te chuan mihring man an nei lo tih an sawi bawk.