Afghanistan MP hlui a chenna inah kaphlum

Aghanistan MP hlui, Mursal Nabizada-i chu Pathianni khan Kabul-a a chenna inah kahhlum a ni. A bodyguard pawh kahhlum a ni tel bawk.

Kum 32 mi, Mursal Nabizada-i hi kum 2021, August thlaa Taliban-ten thuneihna an chan hnuah hmeichhe MP zinga Kabul-a awm chhunzawm lui tlemte zinga mi a ni. Taliban rorelna tlanchhiatsanna hun remchang pawh nei mah se, an ram hi chhuahsan duh loin Afghan mipuite tana bei turin a awm a ni. Pathiannia a chenna in beihnaah hian a nuṭapa leh security guard pakhat chuan hliam na tak an tuar nia sawi a ni bawk.

Afghanistan-a Taliban-ten thuneihna an chan hnuah hmei­chhiate dinhmun a chep nghal hle a, zirna leh hnathawhna kawngah pawh hrek an ni chho nghal a ni. Hei vang hian hna ṭha tak tak chelh, hmeichhiate chuan Afghanistan hi an chhuahsan nasa hle.

Kabul police thupuangtu Khalid Zadran chuan MP hlui beih a nih dan hi chhui nghal a nih thu a sawi.

Nabizada hi kum 2018 khan Parliament member atan thlan a ni a, parliamentary defence commi­sison member niin, Institute for Human Resources Development and Research-ah a thawk a ni.