Nepal thlawhtheihna tlaa chuang zinga ruang 70 hmu tawh

Mi 72 chuanna, Nepal thlawhtheihna tlaa chuang zinga mi 70 ruang hmuh a ni tawh a, mi pahnihte erawh chu an chin hriat ala ni lo.

Pathiannia Kathman­du aṭanga Pokhara pana thlawk, Yeti Airlines thlawhtheihna hi airport a thlen hmain chesualin Seti lui bulah a tla a ni.

Thlawhtheihnaa chuangte ruang zawn hna hi ngawrh takin thawh nghal a ni a, nimin thleng khan ruang 70 hmuh a ni tawh. Midang pahnihte ruang pawh ngawrh takin an zawng mek tih thuneitute chuan an sawi. Ruang 70 zinga 22-te postmortem a nih hnuah an chhungte hnenah hlan a ni tawh.

Thlawhtheihna che­suala cockpit voice recorder leh data flight recorder pawh hmuh an ni tawh a, Civil Avia­tion Authority of Nepal (CAAN) hnenah hlanin, hemi aṭang hian chetsualna thlen dan zirchiang tura thuneitute pui turin France ram aṭangin expert-te pawhin Nepal an thleng tawh a ni. Thlawhtheihna tla hi France rama aircraft siamtu, ATR siam a ni.