Church of England-in biak-ina anpui kawpte inneih remti lo

Church of England chuan mahni anpui kawpte tan civil marriage neih chu pawmpui mah se, an biak-ina inneih erawh an remti lo tih a sawi.

Anpui kawp chungchang hi Church of England hian kum nga chhung zet an ngaihtuah tawh a ni. Thla thara London-a General Synod an neih hunah an thutlukna chungchanga report kimchang hi a tichhuak ang.

Church of England chuan inneihna chu mipa leh hmeichhe inkarah chauh tur a ni tiin, he ngaihdan hi thlak a tum lo tih a sawi. Hemi rual hian mahni anpui kawpte civil wedding emaw an neih hnuah biak-in inkhawma an ṭawngtai te, lawmthu sawi leh Pathian malsawmna an dilte erawh phalsak a ni dawn tih a sawi.

Kum 2013 aṭang khan England leh Wales-ah mahni anpui neih hi danin a lo phalsak tawh a, mahse kohhran erawh chuan a zirtirna a tidanglam lo.