US President Biden-a inah Document pawimawh hmuh belh leh

US Department of Justice (DoJ) investigator-te chuan Delware-a president Joe Biden chenna in an dapnaah classified document paruk an hmuh belh leh.

Wilmington-a President Biden-a ina Investigator-ten document an hmuh belhte hi Barack Obama hnuaia vice president a nih lai leh sentor a nih laia mite an ni. President Biden-a lawyer, Bob Bauer chuan a kutziak note ṭhenkhat leh thildangte pawh an la tel tih a sawi.

US Presidential Records Act hnuaiah, White House record-te chu an thuneihna a tawp rualin National Archives ah dah vek tur tih a ni.

Nikum November 2 khan President Biden-a din, Penn Biden Center-ah classified document hmuh a ni a, a hnu December 20 khan Wilmington-a a garage-ah record ṭhenkhat hmuh ni lehin, January 12-ah document dang an hmu leh bawk. Document-te hi hmuh an nih hnuah, President chuan National Archives leh Justice Department hnena hlan nghal an ni tih a sawi. Heng document-te hi Biden hian a lo kawl chhan hi sawichian a la ni lo a, special councet Robert Hur kaihhruaiin a chhuizuitu tur hi din a ni.

President Biden hian kum 2024 US President thlannaah chuh leh a tum thu a lo sawi tawh a, mahse a ina dan loa document pawimawh a lo kawl hian sawizui a hlawh ngei ang.