Los Angeles-a Chinese New Year lawmnaah inpawngkahna thleng
US-a Los Angeles-a Monterey Park-a Inrinni zana Chinese Lunar New Year lawmnaah inpawngkahna a thleng a, mi eng emaw zat an thi.
Inpawngkahna hi an ram huna zan dar 10 velah a thleng a, thi leh hliam zat hi hriatchian a la ni lo a, report ṭhenkhat chuan mi 12 an thi niin an tarlang. Pawikhawihtu pawh hi an la man lo nia sawi a ni.
Monterey Park hi Los Angeles chuanhnuai lam, km 11 vela awm niin mi 60,000 vel an cheng a, Asian tamna a ni. Inkahna thlenna bula restaurant neitu, Seung Wong Choi chuan pawikhawihtu hian machine gun kengin, vawi tam tak a hmetpuak niin a sawi. Dance club-ah silai hi hmehpuah niin a sawi bawk.
US-a hian silai hmanga pawikhawihna a thleng ngun hle. Gun Violence Archive data aṭanga a landanin, kum 2020 khan US-ah hian silai hmanga pawikhawihna ṭum 43,000 thlengin, mi 1,10,000 chuangin nunna an chan phah a ni.