Brazil leh Argentina-in Pawisa in ang hman dan tur an sawidun

Brazil president Luiz Inacio Lula da Silva leh Argentina president Alberto Fernandez-ten joint article an ziahah, ram pahnihten economy siamṭhat dan tur leh, pawisa in ang, common currency hman a nih theih dan turte an sawidun tih an tarlang.

Hruaitu pahnihte thuziah hi Argentine website Perfil-ah tihchhuah a ni.

Article-ah hian financial leh commercial thila hman tura common South American currency siam chungchang buaipui an rel thu sawiin, hei hian insumdawn tawnna kawnga senso tam tak a tihniam thei dawn tih an sawi.

Common currency hman chungchang hi nikum khan Brazil finance minister leh a executive secretary, Fernando Haddah leh Gabriel Galipolo te pawhin an lo ziak tawh a ni. Lula pawhin inthlan dawna campaign-ah pawh a lo sawichhuak tawh bawk.

Tun kara Buenos Aires-a summit neih turah common currency chungchang hi sawiho tum a ni. Hei hian regional trade lamah nasa takin a puih theih dawn bakah, US dollar-a an innghat lutuk pawh a tiziaawm dawn niin an sawi.