Kuwait PM leh a kaihhruai sorkarin banna thehlut

Kuwait prime minister Sheik Ahmad Nawaf al-Sabah kaihhruai sorkar chuan thla thum chauh ro an rel hman tihin, nimin khan crown prince Sheikh Meshal al-Ahmad al-Sabah hnenah banna a thehlut leh nghal.

Crown Prince hian nikum khan fiscal reform chungchanga buaina an neihte tihtawp nan, Parliament a ṭhiat a, inthlan neih thuai a nih tur thu a puang. Inthlan neih hmaa prime minister atan Sheik Ahmad hi a ruat a, PM Ahmad kaihhruai sorkar chu nikum October thla khan lakluh a ni.

Hetih lai hian Parlia­ment elected member leh sorkar thar inkarah inepna a awm zui a, Parliament member-te chuan debt relief bill siam turin sorkar hi an nawr zui a ni.

Prime Minister chuan executive leh legisaltive authority inkar boruak ṭhat loh avangin sorkar chuan banna hi a thehlut tih a sawi.