Jordan-ah Israel Prime Minister Netanyahu a zin

Israel prime minister Benjamin Netanyahu chu Thawhlehni khan puangzar lawk loin Jordan ramah a zin a, Jordan lal King Abdullah nen Amman-ah meeting an nei.

Ram hruaitu pahnihte hian Jerusalem-a Muslim leh Juda mite tana hmun pawimawh, Al-Aqsa mosque compound chungchang sawidunin, inzahtawn a pawimawhziate pawh an sawi a ni. Hei bakah hian ram pahnihte inlaichinna te, security leh economy lama thawhdunna chung changte pawh an sawidun bawk.

Hruaitu pahnihte hi kum 2018 khan Jordan ramah bawk hian an lo inhmu tawh a ni.

PM Netanyahu hi strategic affairs minister Ron Dermer and Ronen Bar, Shin Bet security agency hotu, national security adviser Tzachi Hanegbi leh military secretary Avi Gil-ten an ṭawiawm.

Jordan ram hian kum 1994 khan Israel ram chu pawmin inremna a lo ziahpui tawh a, Arab ram zingah Egypt dawta inremna siampui hmasa ber a ni.

Jerusalem-a Al-Asqa mosque hi Islam sakhuaah an hmun thianghlim pathumna a ni a, hetih laiin he hmun hi Juda sakhaw zuitute tan pawh hmun pawimawh tak niin, anni chuan he compound hi Temple Mount tiin an sawi thung.