New Zealand PM thar Chris Hipkins

New Zealand prime minister thar atan nimin khan Chris Hipkins chu lakluh a ni.

Kar liam taa Prime Minister a nihna aṭanga a ban tur thu a puan hnuah, Jacinda Adern chu nimin khan a bang ta a, amah thlak turin Chris Hipkins chu Governor-General Cindy Kiro chuan rinawmna thu tiamtirin a lalut nghal a ni.

Kum 44 mi, Hipkins chuan nimin tlai khan cabinet meeting hmasa ber a ko nghal a ni.

Chippy tia koh, Hipkins hi Adern-i hnuaiah education leh police minister a ni ṭhin. PM atan lakluh a nih hnua thu a sawiah, mawhphurhna pawimawh tak pek a ni chu a tana thil chhinchhiah tlak a nih thu sawiin, a hmaa chona hrang hrang awmte hmachhawn tur chuan a phur hle tih a sawi.

Deputy prime minister atan Carmel Sepuloni pawh lakluh a ni nghal bawk.