Israel sipaite beihpui thlaknaah Palestinian mi 9 an thi
Israel sipaiten nimin zinga an ram luah, West Bank-a Jenin refugee camp an beihnaah Palestinian mi pakua an thi niin Palestinian official-te chuan an sawi.
Palestinian health ministry chuan Israel sipaite beihpui thlaknaah hian hliam 16 an awm bawk a, an zinga pathum dinhmun chu a ṭha lo hle niin a tarlang. Hetih lai hian Israel sipaie hian ambulance leh medical lam mite an lo dan avangin thawktute tan pawh a buaithlak hle tih an sawi.
Israel sipaite chuan beihpui an thlak chungchang hi sawichiang lo mah se, Israel media-te chuan Palestinian firfiakten Israel beih an tumna danna atana che an nih thu an tarlang. Sipaite hian nimin zing hma takah refugee camp-ah hian beihpui thlakin, armoured vehicle leh sniper eng emaw zat an tel a ni.