Pakistan pawisa hlutna a tlahniam nasa

Leiba ngah avanga sum lama harsatna lian tak tawk mek, Pakistan ram pawisa hlutna a tlahniam nasa hle. Ningani khan Pakistan pawisa, Rs 225 leh USD 1 a intluk .

Pakistan sorkar chuan International Monetary Fund (IMF) aṭanga a mamawh loan a lak theihna turin, exchange rate a khuahkhirhna chu a thlahdul a ni. Money exchange company-te chuan Nilaini aṭang khan dollar-rupee rate-a bithliah an siam chu titawpin, open market-ah local currency hlutna hi an tlakhniam tir dawn tih an sawi. Hemi hnu, Ningani chawhnu dar 1 khan Pakistan pawisa hlutna hi Rs 24-a tlakhniam belh nghalin, Rs 225 leh USD 1 a inhen ta a ni.

IMF hian Pakistan sorkar hnenah exchange rate a khuahkhirhna hi titawp turin a lo hrilh tawh a, Pakistan hian IMF aṭanga loan, USD tld 6.5 lak a tum, dan khawtlai mek chu pekchhuah an nih thuai theih nan a thurawn hi a pawm ve ta nghal a ni.