Israel sorkar thar lakluh hun sawn hla

Israel-a prime minister Benjamin Netanyahu kaihhruai ṭangrual sorkar thar lakluh hun tur chu Pathianniah sawn hlat a ni. 

Likud party hruaitu Netan­yahu leh Blue and White party hotu Benny Gantz-te chuan ṭangrual sorkar siam a, thuneihna insem turin inremna an lo siam tawh a ni. Ningani khan sorkar thar hi lakluh tura tih ni mah se, Likud party zingah minister chanpual insem danah lungawi lo an awm avangin Pathianniah an sawn ta a ni.  

Sorkar tharah hian Netanyahu leh Gantz-te hi prime minister dinhmun hi an inchelh chhawk dawn a, Netanyahu hian chelh hmasain thla 18 chhung a PM hnuah Gantz hian a thlak ang.