Kim Jong-un kaihza vengtu pahnih thlak

North Korea hotu Kim Jong-un kaihza vengtu, an ram intelligence agency-a director leh Supreme Guard Commander chu thlak a nih thu South Korea based-English chanchinbu, 'Korea Herald' chuan a tarlang.

Kim hian an rama intelligence agency lian ber Reconnaissance General Bureau (RGB)-a director, Jang Kil-song chu nikum December thla khan a thlak a, an ram chu inthup taka a kal zual theih nan Jang thlak tur hian ruling party-a central military committee member, Lt Gen. Rim Kwang-il chuan a thlak tih South Korea media-te chuan an sawi. 

Kum 2010 aṭanga Kim vengtu Army General, Yun Jong-rin thlak turin Kwak Chang-sik chu Supreme Guard commander-ah ruat a ni a, Yun Jong-rin hi ruling party-a central military committee member tho a ni. North Korea hruaitu lu pahnih thlak an nih chhan hi South Korea media lam pawhin a chhan an hrechiang bik lo a ni. 

South Korean Unification Ministry chuan Kim-a farnu Kim Yo-jong hian an ramah eng hna chiah nge a chelh tih an hre bik lo a, mahse rinthuah chuan Organization and Guidance Department-ah emaw Propaganda and Agitation Department-ah a thawh an ring a ni.