China Sichuan province-in nupui/ pasal nei lote fa register phalsak tawh dawn

China chhimthlang lam, Sichuan province chuan nau piang thar zat tlahniam zel tihziaawmna turin, nupui/ pasal nei loa fa neih a phalsak dawn bakah, nupui/pasal neite tana hamṭhatna a siamte pawh an dawng ve thei tawh dawn.

Provincial government hian hmeichhia, pasal neite chauh chu dan anga sorkar-a an fate register a phalsak ṭhin. Mahse tun hnaiah innei leh, nau piang zat hi a tlahniam nasa hle a, hei vang hian nupui/pasal nei loa fa neih khapna a lo siam tawh chu a thlak dawn a ni.

February 15 aṭangin nupa, fa neite bakah nupui/pasal nei loa fa neite chu sorkarah an fate an register phalsak an ni tawh dawn a, an register theih zatah pawh bihthliah siam a ni dawn lo. A hma chuan nupa tan pawh thuneitute hnena an fa neih register dawn hian pahnih chin bak phal a ni ngai lo.