Asian military meeting-ah Myanmar sipai sorkar sawm

Thailand leh United States (US) kaihhruaia February thlaa regional military meeting neih turah Myanmar sipai sorkar chu tel tura sawm a ni.

Ni nga awh tur, ASEAN Defence Ministers’ Meeting Plus (ADMM-Plus) Experts’ Working Group on Maritime Security chu February 20 hian neih ṭan a ni ang.

US department of defence thupuangtu, lieutenant colonel Martin Meiners chuan ASEAN protocol zulzuiin meeting-ah hian Myanmar sipai sorkar hi sawm a ni tih a sawi.

He meeting-ah hian Association of Southeast Asian Nations (ASEAN) member ram 10 bakah, an dialogue partner - Australia, China, India, Japan, New Zealand, Russia, South Korea, leh US aiawhte an tel dawn a ni. Myanmar hian kum 1007-a sipai sorkar hmasa hunlai khan ASEAN hi a lo zawm tawh a ni.

Myanmar sipai sorkar chuan inthlan neihna turin ruahmanna a siam chho mek a, hetih lai hian sipai rorelna hnuaia inthlan neih tur hi felfai leh dik taka kalpui theih a rinawm loh thu mi tam takin an sawi. Zirchiangtu ṭhenkhat chuan tualchhung buaina tawk mek, Myanmar-ah hian inthlan hi buatsaih a nih chuan sipai sorkar duh lotuten lungawi lohna nasa zawka lantirin, tualchhung buaina lian zawk a chhuah a hlauhthawnawm thu an sawi.