US Secretary of State Blinken-a'n Israel a tlawh

US secretary of state Antony Blinken chuan Thawhṭanni khan Israel a tlawh a, Israel leh Palestinian-te chu boruak ṭha tak siam turin a ngen a, hemi rual hian US chuan Israel security chu a ngai pawimawh zel dawn tih a sawi.

Middle East ram pathum tlawh tura zin, Blinken hian Israel a tlawh hmain Egypt a tlawh hmasa a ni. Jerusalem a thlen hnuah prime minister Benjamin Netanyahu nen meeting nei nghlain, hei hi Israel PM atana Netanyahu lakluh a nih leh hnuah meeting an neihna hmasa ber a ni.

Antony Blinken chuan tun hnaia Israel leh Palestinian-te inbeihna thleng chu a dem thu sawiin, pawisawi lote nunna lak chu firfiaka chetna, pawikhawihna tenawm tak a ni, a ti. Hemi rual hian Israel-in phuba a lakna chu buaina chinfelna tur a ni lo a, pawisawi lo tam zawkin nunna an chan phahna a ni tih a sawi bawk.

Meeting zawhah thuchhuah an siamah PM Netanyahu erawh chuan Israel leh Palestinian-te inkara buaina thleng chungchang erawh a sawilang ve lo. Iran chet dan an duh loh thu leh, kum 2020-a United Arab Emirates, Bahrain leh Morocco-te nena inzawmna ṭha siamna tura Abraham Accords an ziah tihlen zel a duh thute a sawilang thung.

Blinken hian PM bakah Israel foreign minister Eli Chohen leh president Isaac Herzog-te meeting a neihpui bawk.