Taliban-in Pakistan mosque-a bomb tipuaktu an ni tih an sawi

Pakistan hmar thlanglam, Peshawar khawpuia Thawhṭannia mosque chhunga thihchilh bomb tihpuah vanga thi chu mi 92 an tling tawh. Taliban firfiak pawl chuan bomb tipuaktu an nih thu an sawi.

Bomb hi mosque-a chawhnu lam ṭawngṭaina neih laiin, ṭawngṭaina hun hmanga tel pakhatin a tipuak a ni. Bomb puak hian mosque bang leh a chung ṭhenkhat pawh a tichhe tel a ni.

City police chief Muhammad Ijaz Khan chuan bomb tihpuah laia ṭawngṭai tura kalkhawm hi mi 300-400 vel an ni tih sawiin, thi zinga 90% chuang chu police an nih thu a sawi bawk.

Mosque-a pawikhawihna rapthlak tak thleng hi Islamic firfiak pawl, Tehreek-e-Taliban Pakistan (TTP) chuan an pawl tih a nih thu an sawi. TTP hotu Sarbaka Mohmand chuan he thil hi kum 2022, August thlaa Afghanistan-a a unaupa, TTP commander Umar Khalid Kuransani thah a nih avanga phuba an lakna a ni tih a sawi.