Kyiv-ah Ukraine-EU Summit nei dawn

Ukraine prime minister Denys Shmygal chuan an ram khawpui, Kyiv-ah naktuk hian Ukraine-European Union summit neih a ni dawn tih a sawi.

Summit-ah hian EU aṭanga tel tur hi sawichian ani lo a, mahse Ukraine-in European bloc zawm a tumna kawngah, he summit hi a pawimawh dawn hle tih PM Shmygal chuan a sawi. Vawiinah hian a ṭum khatna atan Ukraine sorkar leh European Commission chuan consultation an nei dawn tih a sawi bawk.

Ukraine foreign minister Dmytro Kuleba chuan an ram president, Volodymyr Zelenskyy-an ngenna a siam hnuah, ram eng emaw zat chuan Russia nena an indo meknaa Ukraine sipaite hman turin tank 100 chuang thawn an tum tawh tih a sawi. Germany leh US chuan kar liam ta khan battle tank thawn an tum thu hi an lo sawichiang tawh a ni. President Zelenskyy hian fighter jet leh long-range missile thawn turin khawthlang ramte a ngen leh mek bawk.