Israel sipaiten Gaza Strip an bei leh

Israel sipaite chuan nimin zing khan thlawhtheihna hmangin Gaza Strip an bei leh a, Palestinian mi 10 an thi nia sawi a ni.

Kar liam taa Israel sipaiten West Bank-a Jenin refugee camp an beih hnuah Israel leh Palestinian mite inkar hi a chhe zual leh a ni. Palestinian miin East Jersualem-ah silai a pawng hmehpuahah Israel mi pasarih an thi tawh bawk a, hei bakah hian Gaza Strip-a Israel sipai leh Palestinian group-te an inkap bawk.

Nilaini zan khan Gaza Strip-a rorellai, Hamas military wing, Al-Qassam Brigades chuan rocket hmangin Israel hi an kap a, hemi chhan letna atan hian nimin zingah Israel sipaite hian beihpui an thlak zui ve nghal a ni. Israel sipaite chuan Hamas-ten ralthuam siamna atana an hman chu an kap tih an sawi.

Israel national security minister Itamar Ben-Gvir chuan Gaza aṭanga rocket hmanga beih an nih hnuah, an rama Pales­tinian mi tangte lakah khuah­khirhna khauh zawk siam dan tur ngaihtuah a ni dawn tih a sawi. An hmalakna hi Gaza aṭanga an beihna hian a dang dawn chuang lo tih a sawi nghal bawk.