Ukraine President-in London a tlawh

Ukraine president Volodymyr Zelenskyy chu Britain prime minister Rishi Sunak hmu turin London-ah a zin a, nimin khan Parliament-ah thu a sawi.

Kum 2022, February 24-a Russia-in Ukraine an run hnuah, Zelenskyy hi ram pawn lama a zinchhuah ṭum hnihna a ni. Britain PM Sunak a hmuh bakah, Britain-in training a pek mek, Ukraine sipaite a hmu bawk ang. Kar hmasa khan Challager 2 tank hman dan training nei turin Ukraine sipaite hian Birtain hi an thleng a ni. Britain hian Ukraine sipai 10,000 chu thla ruk liam ta chhungin training a lo pe tawh a, kumin chhungin sipai 20,000 dang training pek leh a tum a ni.

Zelenskyy leh Britain PM hlui, Boris Johnson khan inpawh leh inzawmna ṭha tak an nei a ni. Johnson thlaktu, Sunak pawhin Ukraine chu puih chhunzawm zel an tum tih a lo sawi tawh a, nikum November thla khan Ukraine khawpui, Kyiv tlawhin President Zelenskyy hnenah an thlawp zel dawn tih a hrilh.