Energy indaihlohna vangin SAfrica-in 'state of disaster' a puang

South Africa president Cyril Ramaphosa chuan an ramin electricity lama indaih lohna an tawh mekah Ningani khan 'state of disaster' a puang. An harsatna tawhte tihziaawmna turin theihtawpa hma lak chhoh a ni dawn tih a sawi.

Tun hnaia state energy company Eskom chuan power lam indaihlohna vangin ni khatah darkar 12 chhung loadshedding a siam a ngai ṭhin a ni. Power lama harsatna tawh hian ram economy thlengin a nghawng a, hei vang hian state of disaster hi puan a nih thu President chuan a sawi a ni.

Sorkarin state of disaster a puan tak avangin emergency procurment procedure an hmang thei dawn a, energy equipment thar, generator leh solar panel-te leina turin additional funding an hmang thei dawn bawk a ni.

Kum 2020-a Covid-19 hri len tirh lam khan South Africa sorkar chuan national disaster hi a lo puang tawh bawk.

Hetih lai hian eptu pawl lian ber, Democratic Alliance chuan President-in state of disaster a puan hi court-ah khin an tum tih an sawi.