Brazil President hlui Bolsonaro-a'n an rama kir leh a tum

Brazil president hlui, US-a thla khat chuang zet awm tawh Jair Bolsonaro chuan Brazil rama kir leh a tum thu a sawi.

Bolsonaro hian President thlannaa a chak zawh loh hnu leh, kumin Kumthar nia President thar atana Luiz Inacio Lula da Silva lakluh a nih hma khan an ram hi a chhuahsan a, US-ah kalin thlaruk awm zui theihna tur tourist visa a dil zui a ni. President thar lakluh a nih hnuah Bolsonaro thlawptute hian an ram khawpui, Brasilia-a sorkar building pawimawhte luhchilhin an suasam zui a ni.

Tualchhunga buaina thlengah hian Bolsonaro chu mawhphurtua puhin amah thlawptute fuihah puh a ni a, hei vang hian an rama a kir a nih pawhin thubuai a awrh zui ngei rin a ni.

Brazil Supreme Court pawhin President hlui hi chhui chian a lo remti tawh bawk.