Mexico gang leader man

Mexico security force-te chuan north-central Mexico-a chetla ṭhin, Santa Rosa de Lima gang hruaitu Jose Antonio Yepez Ortiz chu Pathianni khan an man tih an sawi. Guanajuato state official-te chuan 'El Marro' tia hriat lar, Jose Antonio Yepez Ortiz hi a ṭhuihruai pangate nen man an nih thu an sawi. Sumdawng pakhat an rukbo pawh an kut aṭang hian chhanchhuakin, an ralthuam kawl eng emaw zat man sak an ni bawk a ni. Yepez hi Mexico rama gang hruaitu man tuma zawn nasat ber zinga mi a ni. 

Security minister Alfonso Durazo chuan Yepez hi venhimna khauhna hmun, Altiplano tanina dah a ni dawn tih a sawi. He hmun hi drug lord Joaquin 'El Chapo' Guzman an tantirna hmun kha a ni. Mahse El Chapo hi kum 2015 khan tanin hnuaia lei verh aṭangin a tlanchhuak a, kum 2016 khan man nawn leh a ni.