Islamic State-ten Afghanistan Tanin an bei beihnaah mi 21 thi

Islamic State (IS) firfiakte chuan Afghanistan khawchhak lam, Nangarhar province-a Jalalabad tanin an bei a, mi 21 an thi. Official-te chuan Pathianni zan tlai tawh takah khan IS firfiak pakhat chuan tanin luhnaah thihchilh bomb a tipuak a, hemi hnu hian firfiakte tanin hi an bei zui nghal tih an sawi. Mi  21 an thih bakah mi dang 43 in hliam an tuar a ni.  

Security force-te chuan tanin beitute hi bei let ve nghal mah se, nimin zing lam thleng khan an inkap chhunzawm a ni. Tanin beihnaa thi zingah hian tang bakah civil mi, prison guard leh security force te pawh an tel a ni. Official-te chuan tanin beih lai hian tang ṭhenkhat chu an tlanchhuak tih an sawi. He taninah hian mitang 1,500 vel an awm a, an zingah hian IS mi leh sa eng emaw zat an tel. Tanin beih a nih hma hian Jalalabad bulah Afghan security force-te chuan IS group commander an kaphlum a, hei vang hian firfiak pawl hian phuba lakna atan tanin hi an bei zui ta nia ngaih a ni.