Saudi Arabia-in Modern downtown siamna tur Mega project a puang

Saudia Arabia crown prince Mohammed bin Salman chuan khawvela modern downtown lian ber siamna tur, mega project an kalpui dawn tih a puang.

Riyadh khawpuia modern downtown siam tur hi New Murabba tih a ni dawn a, hei hi Riyadh hmarthlang lama King Salman leh King Khalid road inkar, square km 19 huam chhungah siam a ni ang.

Sorkar chuan promo­tional video pawh tichhuak nghalin, social media lamah a viral nghal a ni.

New Murabba-ah hian chenna, residential unit nuai khat vel a awm dawn a, hotel room 9,000, retail space square meter 9,80,000 office space square meter mtd 1.4 leh community facility square meter mtd 1.8 a awm ang.

He project hi kum 2030-a zawh tura ruahman niin, Saudi Arabia economy pawhin a hlawkpui hle tura beisei a ni.

Museum, technology leh design univeristy, multipurpose immersive theatre bakah enter­tainment leh cultural venue 80 siam tel a ni dawn a, khawvela structure lian ber tur zinga mi, Mukaab pawh siam a ni ang.