Israel Parliament-in judicial reform bill putluh hmasa ber pawm

Israel Parliament chuan an ram judicial system thlak danglamna tur bill putluh hmasa ber chu Thawhlehni khan a pawm nghal. He bill hi 'law' a chantir tur chuan ṭum thum pawm a ngai dawn a ni.

Parliament-a bill putluh vawi­khatnaah hian a thlawp lamah vote 63 tlain, a duh lo lamah vote 47 a tla. He dan siam danglamna turah hian hian Supreme Court thuneihna tihnep a, jugde ruat chungchangah sorkar hnuaia committee chu thuneihna sang zawk pek tum a ni tiin, eptu pawl leh mipui tam takin an sawisel a, vawi tam tak duh lohna lantirin an lo pungkhawm tawh a ni. Dan siamṭhat tumaah hian Parliament-ah simple majority vote hmangin Supreme Court thutlukna lo siam tawh pawh hnawlsak theih a ni dawn bawk.

Bill hi law committee hnenah sawiho tura pek kir leh a ni ang a, hemi hnu hian Parliament-ah ṭum hnih put luh leh a ni ang.

Eptu member-te chuan judicial system thlak danglam tumna chu Israel rama civil war thlen tir tumna a ni tiin, ṭangrual sorkar chu Israel leh a mipuite a ngaihtuah takzet a nih chuan he dan siam tumna hi titawp nghal turin an phut tih eptu hruaitu Yair Lapid chuan a sawi.