Nuclear ralthuam kan tichak zel ang

Russia president Vladimir Putin chuan Russia-i'n nimina Defender of the Fatherland lawmna leh, vawiina Ukraine an run champha pualin an nuclear ralthuamte chu tihchak zel an tum thu a puang. Putin chuan a hmain United States nen nuclear ralthuam siamchhuak tawh lo tura an inremna chu a chhutchath tawh thu hi a lo puang tawh bawk a ni.

Putin chuan nuclear warhead ṭhahnem tak keng thei, Sarmat intercontinental ballistic missile chu a vawi khatna atan kumina enchhin hman a nih tur thu a sawi a, "Boruaka thlawk chi, hypersonic Kinzhal system leh, tuipuia hman chi Zircon hypersonic missile ṭhahnem tak thawnchhuah tum a ni," a ti.

Russia hian vawiin aṭangin China nen military exercise an ṭan dawn a, hetah hian hypersonic missile eng emaw zat an thawn thu a sawi.

February 24 hi Ukraine an run cham vawi khatna a ni a, Russia president Vladimir Putin leh US president Joe Biden-te chu tunhnai chhoah ṭawngkam dengkhawng tak takin an invau fo a. Ram thilti thei pahnih inkarah boruak lian tak inmung mek chu an tizualkai hle.