Turkey-i'n lirnghing vanga chhiatna thleng thawmṭhat hna kalpui dan tur thupek thar tichhuak

Turkey chuan an ramin lirnghing rapthlak takin an khawpuia chhiatna a thlente thawmṭha tura an thupek siamte chu nimin khan sorkar official te'n an tichhuak.

Thupek tharah hian, mimal, institution leh organisation-te chuan urbanisation ministry hnena donate turin residence leh hnathawhna tur sak phalna pek an ni a, heng in te hi a hnuah lirnghing vanga chenna tur nei lo mipui chenna atan hman zui a ni ang. Urbanisation ministry chuan khawsak lailawkna emaw hun lo kal tura chen zuina tlak sak thar tur emaw chu lirnghing thlenna, quake fault line aṭangin uluk taka enfiah a nih hnuah insak phalna hi pekchhuah chauh a ni ang, a ti.

Building 1,60,000, apartment 5,20,000 te chu an tluchhia emaw luahzui tlak lohin emaw an awm a, lirnghing vang hian mi 43,000 chuangin an thih phah a, maktaduai chuangin thlasik khawvawt hnuaiah chenna nei loin an khawsa mek a ni.

Turkey president Tayyip Erdogan chuan kum khat chhungin insakṭhat hna thawh hman a intiam a, a dam khawchhuaka te chu an awmna area an chhuahsan emaw puan in kaih chawp, container leh sorkarin awm lailawkna an siamah an inhnawhkhawm mek a ni.